తేది: 22-05-2007.

శ్రీ ఆంజనేయ స్వామి వారి ఆలయం, కొవ్వూరు,పశ్చిమ గోదావరి.

 

సమస్య: కొండనెత్తి యశోద ముద్దులు కుమ్మరించెను వేడ్కతో!

పూరణ: దండుగౌను మహేంద్ర పూజలు దండిగానిటు రండయా
వెండి, వెండి భజించిరేనియు వేడ్కతో గిరి రక్షయౌ
నండనేనని గొల్లవారలకార్తిదీర్చెను కృష్ణుడా
కొండనెత్తి; యశోద ముద్దులు కుమ్మరించెను వేడ్కతో!

దత్తపది :హనుమ, కనుమ, మనుమ, వినుమ.
(ఆంజనేయ స్తుతి)

 

పూరణ :
కను మదార్తిని, యంజనీసుత! కాచి రక్షణ నీయవే!
వినుమ దేవ! మహాను భావ! వివేకముందగ కూర్పవే!
మనుమటంచును దీర్ఘకాలము మాస్యులన్ మము జేయుమా!
హనుమ! పాదమునాశ్రయింతు! విహాయసాధ్వ విహారివే!!

 

వర్ణన : హనుమంతుని సాగర లంఘనము.

 

పూరణ : కన దేవానీకంబే
హనుమకు శ్రీరామకార్యమందున విఘ్నం
బును సురసాకృతి బంపగ
ననిలాత్మజుడది తరించి యంబుధిదాటెన్!

 

నిషిద్ధాక్షరి : గోదావరి గురించి - తేటగీతిలో

పూరణ : అమ్మ నీకడ చేయగా నతిధిగాగ!
నిలకు పంపిన వేల్పువై యీ విధిన్, న
నుం గనుంగొన నేతెంచెనో యనంగ
శారదాంబయె గౌతమై చేరెనిచట!!

 

న్యస్తాక్షరి: వ్యాసకృతి భారతం తెలుగుసేత.

1వ పాదం 2వ అక్షరం - ర
2వ పాదం 11వ అక్షరం - భా
3వ పాదం 21వ అక్షరం - తం
4వ పాదం 14వ అక్షరం - శ్రీ

 

పూరణ :

అరయగ వ్యాసమూర్తి కృతియౌనయ, పంచవేదమీ ధరన్!
వరమగు మానవాళికిని భాగ్యమగున్! శతజన్మ పుణ్యమౌ!
సురవరులాదిగా నతుల శుద్ధిగజేసెడు గ్రంథమే! సతం
బరయును పృధ్వికార్యములనంతయు శ్రీకరమట్లు జేయగా!

 

Back to mainpage